• اغلب البنات الي سوو دايت رجعوا سمنو بعد فتره !! وكثييير منكم اكيد مر بهالمرحلة ينحف فتره بعدين يرجع وزنه نفس قبل ويسمن!! • طيب ليش؟!! انا اقولكم ليش لأن الأغلبيه يبحث عن النتائج السريعة والأهداف قصيرة المدى فتلاقي الاغلبيه يبحث عن نظام ينحفهم بسرعة خلال شهر شهرين او حتى عشر ايام ويهلكون نفسهم بأنظمة غلط كلها حرمان وتجويع عشان بس يوصلون للوزن الي يبونه بسرعة بدون التفكير بصحتهم او شي ثاني • كثير بنات يجوني يبون يشتركون بأهداف قريبه مثلا عندي زواج ابي انحف بسرعه العيد قريب ابي انحف عندي حفله ابي انحف زواج صديقتي ابي انحف إلخ من الأهداف الي بدون اي معنى • حلو انك تربطين نظامك الصحي بهدف للتعويد وبعدها تستمرين عليه لكن مو حلو ابد انك تفكرين بالنحف عشان بس زواج او حفله وغيره • فكري بنفسك قبل كلشي بصحتك بجسمك بنفسيتك وش الفايده انحف عشان زواج او حفلة وبعد مايخلص الزواج ارجع اسمن!! اذا كان هذا هدفك انتي كذا تخربين على نفسك وعلى جسمك لأن كثرة تكرار الحميات تتعب الجسم وتقلل الحرق وضياع للوقت وخسارة للجسم من ترهلات وغيره وننسى ان الي يجي بسرعه يروح بسرعه وللأسف يرجع وزنك وقتها اكثر من اول • دائماً لما تتبعين نظام غذائي او نظام رياضي اسألي نفسك هالسؤال؟!! هل انا قادره استمر على هالشي بعد ست شهور ؟!! بعد سنه ؟!! بعد عشر سنوات؟!! اذا كان جوابك لا فلازم تراجعين نفسك وتفكرين صح باللي المفروض تسوينه ويريحك على المدى البعيد مو فتره معينه تنحفين فيها بعدها تهدمين كلشي وترجعين لوزنك السابق • اذا كل مره بتسوين حميه عشان هدف معين وبعدها ترجعين للوزن السابق بكذا انتي تتعبين نفسك وتخاطرين بجسمك وبنفسيتك لأنك بتحسين بشعور الفشل كل مره وبتجلسين تعاتبين نفسك ليش مااقدر استمر ليش يرجع وزني وليش وليش وليش • فليش نضيع وقت ونخسر على الحميات في كل مره واحنا قادرين نتبع نظام صحي يكون لايف ستايل يستمر معانا طول العمر يمكن يكون اتباع النظام الصحي صعب بالبداية لكن لما نفكر صح ونفكر بأجسامنا وصحتنا وكيف بتكون مستقبلا بنقدر نتجاوز كل الصعوبات • منتي مجبوره تضرين نفسك وصحتك وتنحفين على مرض بالوقت الي قادره تمشين على نظام صحي بدون اي حرمان خطوه خطوه بالتدريج بتقدرين وتذكري دايم ان مافيه شي مستحيل طالما انتي تبين حطيه في بالك وبتوصلين?? • • مين منكم نحفت ورجعت سمنت??♀️•