السلام عليكم حابه اشارككم تجربتي مع موقع وبرنامج كرين انا مشتركه لي ثلاثة اشهر وزني في بداية البرانامج ٩٠.٤ والحين ٨٨ وبفضل الله ثم توجيهات كلن من المدربه والدكتور ونظام كرين وشاي كرين ????? صرت ما استغني عنه حتى لو ما اسوي رياضه لازم من بدايه اليوم اشربه واشرب قبله ماي دافي ????? اول الستيان مايسكر الا على الحبه الثالثه الحين صار يسكر مع الحبه الاولى والله والله ماتتخيلين شقد ادعي لكم وفرحانه بالتغير مو ضروري احد يلاحظني او يقول انه تغير فيني شي انا ابي التغير لنفسي انا بصحتي ???? اول والله ماقدر اجلس بين السجدتين افرش رجلي عشان اتشهد. الحين ولله الحمد والفضل والمنه والفضل لله ثم لكم صرت اسجد واجلس عدل ???? صحيح اني اخبط احيانن بس والله والله حتى مع التخبيط والرياضه الي اسويها مره ومره حسب استطاعتي فرحانه من نزول وزني ومن خفتي في الحركه لي سنسن سنين طويله والله (ربي يعزك ويكرمك) الفرنجي الارضي ما اجلس عليه واذا اضطريت اضل اسبوع واكثر اعاني من الم الركبه والفخذ ???? بالنسبه لشاي كرين بالبدايه شريت علبتين وكنت متحمسه اني اشرب يوميا وملتزمه فيه حتى لو ماسويت رياضه ولله الحمد حسيت واضحه على الهظم وحتى بروز بطني قل بكثير في رمضان لما كنت امشي صرت اشفط بطني لداخل ولله الحمد خف بطني وجوانب جسمي من جهة الخواصر والله والله حسيت بفرق واضح حتى في لبسي للعيد حسيت اني مره فرحانه وحتى كان عندي بنطلون قديم ولا البسه لانه مره ضيق مايرقى حتى عند الفخذ وكنت متحسفه اني اطلعه لانه جديد مشتهيته وجربت البسه ايام العيد والله والله ماتتخيلين شقد فرحتي انه دخل فيني صحيح انه بالموت سكر الزرار بس لبسته فلله الحمد والشكر ???? انه خلال ٣شهور تغير كل هذا فيني سمعت احباط انه بعمر الاربعين ماينزل الوزن وان الجسم صعب انه ينزل كمية دهون بس والله ماهموني واصلت والا اليوم والى بكره وانا احاول حتى اذا ماسويت رياضه اتضايق احس فيه شي ناقصني في يومي رجعت وحنيت اني اسوي رياضه ???? اشكر كل القائمين على برنامج وموقع كرين ادعي الله التوفيق والسداد في حياتهم وان يجزيهم ربي خير الجزاء على مايبذلونه